Lågaste straumpris på 20 år
Måndag vart den lågaste dagprisen på straum sidan år 2000 registrert, ifølgje Noregs vassdrags- og energidirektorat.
Den gjennomsnittlege prisen var 2,68 øre per kilowatt, ifølgje NVE.
Årsaka til den låge straumprisen er mellom anna uvanleg høg vindkraftproduksjon og negative prisar i fleire land, noko som gav ein uvanleg og stor kraftimport til Noreg måndag.
Artikkelen held fram under annonsen.
Kraftproduksjonen i Noreg minka med 4 prosent i veke 16 samanlikna med veka før, trass i ein auke på 3 prosent i forbruket. Den gjennomsnittlege kraftprisen i Noreg var 4,8 øre per kilowatt.
(©NPK)
