Jord fløymde ut i fjorden
Vatnet i fjorden vart farga brunt då jordmassar hamna i bekken i Skiftesgjelet mellom Oddland og Fonnaland før påske.
Hendinga oppstod i samband med skogsdrift på Dalamot ovanfor Vikøy, opplyser skogbruksansvarleg Rolf Erling Loe i Kvam herad. Han var på synfaring rett før påske og snakka med den driftsansvarlege etter at heradet fekk melding om det misfarga vatnet. Skogsdrifta var då i ferd med å verta avslutta.
Artikkelen held fram under annonsen.
Hendinga skuldast at hjulspora som oppstod i samband med skoguttaket, vart fylte med regnvatn, og jorda vart ført med vatnet mot staden der spora kryssa bekken. Ein har freista leia vatnet vekk, men det kom så mykje nedbør at det var vanskeleg å lukkast heilt. Ettersom drifta vert avslutta, vil problemet vera løyst, opplyser Loe.
– Det er uheldig at slikt skjer, skriv Loe i ein e-post til HF.
