Alt for badet, Hardangerbadet
Eit dikt av Lars Soldal.
Melodi: Hu hei kor er det vel friskt og lett
No har han greidd det på ærleg vis
alt for badet, Hardangerbadet
Det er han Martin naturlegvis
alt for badet, Hardangerbadet
Ja, mykje pengar det har han fått
og badet vert visst både stort og flott
alt for badet, Hardangerbadet
Dei sprang og vassa i iskald sjø
alt for badet, Hardangerbadet
Men fór på land før det byrja flø
alt for badet, Hardangerbadet
Så vart det tale med fagre ord
Her skal bli «Paradis på kvammajord»
alt for badet, Hardangerbadet
I bygda dei stiller villig opp
alt for badet, Hardangerbadet
Dei kjøper aksjar og klippekort
alt for badet, Hardangerbadet
Og rike karar dei kjem i fleng
som vil til Øystese og få seg seng
alt for badet, Hardangerbadet
No vert det helse og sælebot
alt for badet, Hardangerbadet
Og feitt og «pondus» skal vaskast bort
alt for badet, Hardangerbadet
For «Helsebanken» skal no ta grep
og læra «hardingar» å bruka vit
alt for badet, Hardangerbadet
Han Stener Kvinnsland har visst tru
alt for badet, Hardangerbadet
Og Martin Vik kan vel ingen snu
alt for badet, Hardangerbadet
Men går du inn, vil du ta ein «risk»
du kjem vel ut igjen som «flygefisk»
alt for badet, Hardangerbadet
Det trengst vel ynske og lukke til
alt for badet, Hardangerbadet
Dei får det til dei som kan og vil
alt for badet, Hardangerbadet
Det er på tid å sjå opp og fram
og prøva å samla oss i heile Kvam
alt for badet, Hardangerbadet
Lars Soldal
