Han Innante kjem innom

Torsdag 20. oktober underheld Han Innante, alias, Torolf Nordbø, på Thon Hotel Sandven i Norheimsund. Nordbø har med seg Oggvald Nils, spela av Leif Arild Steen, eller Bugge i komikarduoen Mugge & Bugge, og den femte revyen i rekkja. Han Innante trakterer munnspel og gitar, medan Oggvald Nils spelar bass, melder Torolf Nordbø i ei pressemelding til HF.

Han reklamerer med fleire nye personar på scena: den sur-realistiske kunstnaren Roland Langlue, gourme-ekspert Kleng Kokkvold og auramassør og tiurtolk Hilde Kjensle Var, sistnemnde også ekspert på nevro-lingvistiske tankefeltsvibrering.

Nordbø er visesongar og ståoppkomikar, og har med seg mellom anna innslag og songar han har hatt på Norsktoppen og NRK1. Han er kjend frå mellom anna Beat for beat, Sanger om Norge, Hvor fartøy flyte kan og Norgeskysten. Han har gjeve ut åtte plater, fire dvd-ar og fire humorbøker.

Steen har skrive to humorbøker, vore med i fire revyar og laga fire dvd-ar saman med Han Innante.