Herborg til poesifestival
Herborg Kråkevik frå Jondal skal bidra med både song og diktlesing under Poesifestivalen i Ulvik 7.–9. september. Det melder festivalen i ei pressemelding.
Kråkevik skal både synga og lesa under festivalopninga fredagen. Neste dag skal jondølingen samtala med forfattar og professor Jan Inge Sørbø om formidling av nynorsk songlyrikk, etter eit føredrag om nynorsk lyrikkhistorie av Sørbø.
Laurdag kveld står Kråkevik på scena med lyrikar Kolbein Falkeid. Då vert det både ord og tonar, akkompagnert av pianist Helge Lilletvedt.
