311 utan arbeid i Kvam, 400 i Ullensvang
Nye tal frå arbeidsmarknaden kom tysdag.
Dei ledige i Kvam utgjer 7,2 prosent av arbeidsstyrken. I Ullensvang er 7,0 prosent av styrken gjerandslause.
135 av dei 311 ledige i Kvam, eller 6,8 prosent av kvinnene i arbeidsstyrken, er kvinner. I Ullensvang er delen tilsvarande og talet 186 kvinner. Høvesvis 7,5 og 7,1 prosent av mennene i styrken er ledige i dei to kommunane.
Artikkelen held fram under annonsen.
Flest ledige i Vestland finn ein i bransjane reiseliv og transport, butikk- og salsarbeid og sørvisyrke og anna arbeid. Totalt var 33.332, eller 9,9 prosent av arbeidsstyrken, heilt arbeidsledige tysdag. 14.632 var delvis ledige.
Kvam hadde tysdag 16 arbeidssøkjarar på tiltak. Ullensvang hadde 8.
