Helland-Hansen best i eliteserien
Kvemmingen har to grunnar til å glisa.
Ask Helland-Hansen frå Øystese har vorte kåra til den mest verdfulle, mannlege spelaren i Mizunoligaen, den norske eliteserien i volleyball.
Kåringa er organisert av Norsk toppvolleyball, og kapteinar og hovudtrenarar frå alle laga har nominert spelarar.
Artikkelen held fram under annonsen.
Helland-Hansen speler for TIF Viking i Bergen.
Sluttspelet i eliteserien vart nyleg avlyst på grunn av koronaviruset. Førre veke bestemte Norges volleyballforbund at grunnserievinnarane er årets meistrar. Dermed stakk TIF Viking av med gullet, eitt poeng framføre Koll.
