Krøll med rekningar og telefon
HF-abonnementet kan framleis betalast med brevgiro.
Før jul sende HF ut rekninga på bladpengane, diverre noko seinka som følgje av tekniske problem. HF har fått enkelte reaksjonar på både den korte betalingsfristen og på at ein tilsynelatande må nytta e-faktura eller nettbank for å gjera opp for seg.
Dagleg leiar Camilla Skaar Ljones forsikrar at tingarane kan ta den korte forfallsfristen med ei klype salt. Ho kjem ikkje til å senda ut purringar på betalinga før midt i januar ettersom rekninga kom både seint og rett før eller i jula.
Særleg ein del eldre tingarar har etterlyst mogelegheit for å betala med brevgiro. Ljones opplyser at alle som ynskjer å gjera det, kan ta kontakt med HF for å få tilsendt ei ny rekning med ny forfallsdato. Det er ikkje slik at ein må ha tilgang på Internett for å betala, påpeikar Ljones.
Som følgje av byte av telefonleverandør har HF på toppen av det heile hatt problem med at ikkje alle kjem gjennom når dei ringjer til avisa, men får melding om at nummeret til HF, 56 55 00 20, ikkje er i bruk.
Dersom dette skulle skje deg, kan du ringja oss på 930 27 620 om det gjeld lysingar og abonnement, og 90 13 11 88 dersom du vil koma i kontakt med redaksjonen.
