Vestland tek koronasituasjonen inn i utviklingsplan

Planutvalet i Vestland har utarbeidd ein strategi for korleis Vestland fylkeskommune skal medverke til å minimere skadeverknadane etter korona – både på kort og lang sikt.

Strategien er del av ein større for utviklingsplan for Vestland, som fylkesutvalet skal handsame i slutten av april, skriv Vestland fylkeskommune på nettsidene sine.

Politikarane i planutvalet var opptekne av at Vestland fylkeskommune gjennom utviklingsplanen må ta aktiv rolle i både førebygging og etterarbeid dei neste fire åra. Dei var òg opptekne av å ikkje gløyme andre kriser i samfunnet, som klimakrisa. Berekraftsmåla til FN er noko som går att gjennom heile utviklingsplanen.

Planutvalet legg fram fire overordna mål med tre til fire strategiar under kvart mål.