Koronaviruset har nådd Kvam

Det fyrste positive prøvesvaret kom tysdag føremiddag.

Den smitta er busett i Kvam og lagd inn på Haukeland universitetssjukehus, opplyser ordførar Torgeir Næss.Han korkje veit eller kan seia noko om kjønn og alder på pasienten.Ei smittesporingsgruppe er i gang med å avdekkja kven den smitta har vore i kontakt med, for å kontakta og eventuelt setja i verk tiltak andsynes desse.Tysdag var 115 testa i Kvam. Ikkje alle har fått svar enno.Smitten endrar ikkje tiltaka i Kvam, fortel Næss, men han manar folk til å framleis vera varsame og retta seg etter dei nasjonale føringane for å redusera smittefaren.I ettermiddag opplyste statsminister Erna Solberg (H) at alle koronatiltaka held fram til og med 13. april. Med andre ord vert mellom anna skular, barnehagar og ei rekkje private bedrifter framleis stengde minst til etter påske.Voss har 19 registrerte koronasmitta, ifølgje siste oppdatering. Ullensvang, Ulvik og Eidfjord har enno ingen som er påvist smitta.