To nye smitta i Kvam

To nye personar har testa positivt på koronaviruset, opplyser ordførar Torgeir Næss (Ap) fredag føremiddag.

Med det er det totalt tre påviste tilfelle i Kvam.127 personar var fredag føremiddag testa. 10 ventar framleis på svar.Kvam herad har oppretta ei eiga smittesporingsgruppe. Ein kjenner smittevegen til dei tre som er smitta, og har oversikt over nærkontaktane deira. Det er sett i verk isolerings- og karantenetiltak og testing av personar som har vore i nærkontakt med dei smitta, opplyser Kvam herad.Under 20 tilsette i pleie- og omsorgstenesta er i karantene.Måndag opprettar heradet ei eiga luftvegslegevakt som vil vera open mellom klokka 13 og 16. Har ein symptom på infeksjon i luftvegane, skal ein ta kontakt med fastlege eller legevakt på telefon.Ein annan bieffekt av koronakrisa er at folk kastar våtserviettar i do. Teknisk eining rapporterer om funn av serviettar i avløpsrøyr. Desse løyser seg ikkje opp, men klumpar seg og kan skapa behov for reparasjonar. Arbeidet krev bruk av verneutstyr – det same utstyret som trengst i helsevesenet.Berre avføring, urin og dopapir skal i do, minner heradet om.