Vel truleg lokal bedrift

Jondal kommune har fått inn tilbod for arbeidet med det nye byggjefeltet i Svåsandhagen. Kommunen er innstilt på å gje Folgefonn entreprenør AS jobben av di verksemda kan gjera den billegast, opplyste teknisk sjef Sigbjørn Haugen i møtet i plan- og driftsutvalet måndag.

Det står att for kommunen å skriva ein avtale med verksemda og grunneigarane.

Før anleggsstart skal kommunen ha fleire møte med grunneigarane. Dersom det ikkje dukkar opp nye spørsmål, reknar Haugen med at arbeidet med byggjefeltet kan ta til innan nokre veker.