Folketalsnedgang på nesten éin prosent på tre månader i Kvam

Folketalsstatistikken for tredje kvartal i 2016 frå Statistisk sentralbyrå syner at det vart færre kvemmingar og jondølingar frå juli til september. Det vart 2 færre jondølingar, medan det vart 71 færre kvemmingar.

Jondal hadde ved utgangen av 3. kvartal eit folketal på 1.103, medan folketalet i Kvam var 8.420.

18 personar flytta frå Jondal i perioden. Av desse flytta ingen til utlandet. 147 personar flytta frå Kvam i perioden. Av desse flytta ni personar til utlandet.

Kvam hadde 76 innflyttingar, 15 av desse frå utlandet, medan Jondal hadde 18 innflyttingar. 2 av dei kom frå utlandet.

I Jondal vart det eit fødselsunderskot på 2 personar, medan talet på fødde og avlidne gjekk opp i opp i Kvam.

Av kringliggjande kommunar hadde Odda, Voss, og Kvinnherad ein auke i folketalet i perioden. Det vart 21 fleire oddingar, 14 fleire vossingar og 21 fleire kvinnheringar.

Samnanger hadde ein nedgang i folketalet på 1, medan det vart 23 færre innbyggjarar i Ullensvang.