Vøler KNM Hitra i Kvam
Styrehuset på KNM Hitra skal vølast i Norheimsund. Båten kom til Hardanger fartøyvernsenter førre måndag.
Ifølgje leiar ved fartøyvernavdelinga, Åsmund Kristiansen, er storleiken på kontrakten ikkje avklara. Maritim elektro AS skal utføra installasjonsarbeidet.
KNM Hitra var ein av tre ubåtjagarar som den norske marinen fekk av USA i 1943. Båtane vart nytta av shetlandsgjengen under krigen. Seinare vart KNM Hitra sett inn i teneste som kystvakt og kystoppsyn. Båten låg i mange år i opplag, men er sidan restaurert fleire gonger, ifølgje Wikipedia.
Båten er i dag eit seglande museumsskip. Han er det einaste marinefartøyet frå den andre verdskrigen som er i drift i Noreg. Båten er stasjonert på Haakonsvern i Bergen, men eigd av Marinemuseet i Horten, opplyser nettleksikonet.
